حلمنتيشية جميلة للرائع (ود المدير) عن #هوت_دوق المشير عمر البشير
تبلع كلآمك يا كبير
اسد العرب ينكُر كلآمو عديييل كدي !!
عآد الكلآم دا، كيفِن يصيّر ؟؟
قُت ليَّ قايلوا كـلِـب سُخُن ؟
يا اخي الرجالة اريت تطير
كان زي رجالتك يا المُشير
قُت ليَّ قايلوا لحم كِـلآب ؟
تبرير فطيّر،
والله جد تبريّر فطيّر
يا اخي الرجالة اريت تطيّر
كان زي رجالتك يا البشير
قُت ليّ نفسك عافتو ؟؟!
يا اخي انت تدفِس ليل نِهار
هوت ضوق وبيتزا
وكوم سمك وضلِع كُبّآر
وتجغم تكركِع في العصير
نفسك فطيرة
وإنت زآتك زول فطيّر
قُت ليَّ نفسك عافتو ؟؟!
تبرير فطيّر،
والله جد تبرير فطيّر
يا اخي الرجالة اريت تطيّر
كان زي رجالتك يا عويّر
بعد الرقيص جانا الكِضِب !!!
يا اخي انت إنسان جد حقيّر
كِضبك وصل رب العِباد،
عِرفوهو كلّ الناس عِموم
إن كان كبير، وإن كان صغيّر
قُت ليَّ نفسك عافتو شان إسمو بس ؟؟!
دا كلآم خطيّر
يا بِشة ياخ سيّب الكِضِب
راجياك نار والزمهرير
تنكر كلآم سمعوهو كلّ
الناس عموّم !!!؟
ما خايلة فوقك يا المشيّر
يا اخي الرجالة إن كان بِقت
تشبه رجالتك اريت تطيّر
اسد الخُشش يبلع كلآمو
نهار جهار !!!؟
إن كان سكت
بس كان اخيّر
والله صحي.
إن كان سكت ،
أنا قايل اخيّر…
ليست هناك تعليقات:
إرسال تعليق